ಏನಾಯ್ತು ರಂಗನಿಗೆ

 

ಏನಾಯ್ತು ರಂಗನಿಗೆ ನೋಡಿರಮ್ಮ |

ನಿಧಾನಿಸಿ ಎನಗೊಮ್ಮೆ ಪೇಳಿರಮ್ಮ ||ಪ||

ಪುಟ್ಟಿದಾರಭ್ಯ ಕಣ್ಣ ಮುಚ್ಚನಮ್ಮ |

ತಾನು ಎಸ್ತಾದರೊ ಹಾಲನ್ನುಣ್ಣನಮ್ಮ |

ತಟುಕು ಮುಖ ಮೇಲಕೆತ್ತನಮ್ಮ |

ಹೀಗೆ ಎಷ್ಟು ಹೇಳಲಿ ಬಾಯ ಮುಚ್ಚನಮ್ಮ ||ಏನಾಯ್ತು||

ಕಾಯ ಇದ್ಧ್ಹಾಗಿದ್ದು ಹೆಚ್ಚಿತಮ್ಮ |

ಹೆತ್ತ ತಾಯಿಗೆ ನೆಲವಿಲ್ಲದಾಯಿತಮ್ಮ |

ನೋಯ ನೋಟದಿ ಅಬ್ದಿ ಬತ್ತಿತಮ್ಮ |

ಬಾಯೊಳಗೆ ವಿಶ್ವ ತೋರಿತಮ್ಮ ||ಏನಾಯ್ತು||

ಅತ್ಯಂತ ಮಾತುಗಳನ್ನಾಡಿದನಮ್ಮ |

ಸತ್ಯಾಗೆ ಕುದುರೆಯನ್ನೇರುವನಮ್ಮ |

ನಿತ್ಯ ನಿರ್ದೋಷ ಪುರಂದರ ವಿಠ್ಠಲ |

ಭಕ್ತರ ಸಲಹುವ ದೇವನಮ್ಮ ||ಏನಾಯ್ತು||