ನಾರಾಯಣ ನಿನ್ನ ನಾಮದ

 

ನಾರಾಯಣ ನಿನ್ನ ನಾಮದ ಸ್ಮರಣೆಯ
ಸಾರಾಮೃತವು ಎನ್ನ ನಾಲಿಗೆಗೆ ಬರಲಿ |
ನಾರಾಯಣ... ನಾರಾಯಣ... ನಾರಾಯಣ.. ||ಪ||

ಕಷ್ಟದಲ್ಲಿರಲಿ ಉತ್ಕೃಷ್ಟದಲ್ಲಿರಲಿ 
ಎಷ್ಟಾದರೂ ಮತಿಗೆಟ್ಟು ಇರಲಿ |
ಕೃಷ್ಣ ಕೃಷ್ಣ ಎಂದು ಶಿಷ್ಟರು ಪೇಳುವ
ಅಷ್ಟಾಕ್ಷರ ಮಹಾ ಮಂತ್ರದ ನಾಮವ ||ನಾರಾಯಣ||

ಕನಸಿನೊಳಗಾಗಲಿ ಮನಸಿನೊಳಗಾಗಲಿ 
ಮನಸು ಕೆಟ್ಟಿರಲಿ ಮುನಿದಿರಲಿ |
ಜನಕಜಾಪತಿ ನಿನ್ನ ನಾಮದ ಸ್ಮರಣೆಯ 
ಕನಸಿನೊಳಗೊಮ್ಮೆ ನೆನೆಯುವ ಹಾಗೆ ||ನಾರಾಯಣ||

ಸಂತತ ಹರಿ ನಿನ್ನ ಸಾಸಿರ ನಾಮವ
ಅಂತರಂಗದ ಒಳಗಿರಿಸಿ |
ಎಂತೋ ಪುರಂದರ ವಿಠಲ ರಾಯನ
ಅಂತ್ಯ ಕಾಲದಲ್ಲಿ ಚಿಂತಿಸೋ ಹಾಂಗೆ ||ನಾರಾಯಣ||