ಬೆಳ್ಳಿ ಬೆಟ್ಟದೋಳ್

 

ಬೆಳ್ಳಿ ಬೆಟ್ಟದೋಳ್ ನೆಲೆಸಿರುವ 

ನಮ್ಮ ಭಸ್ಮಧಾರಿಯ ಇಂದು ನೋಡುವ |

ನಮ್ಮ ಭಸ್ಮಧಾರಿಯ ಇಂದು ನೋಡುವ ||ಪ||

ಅವನೆ ನಮ್ಮ ಮನೆಗೆ ಬಂದು 

ಕಷ್ಟಗಳನು ದೂರ ಮಾಡಿ |

ವೇಗದಿಂದ ಕಾಪಾಡುವ ||ಅ ಪ||

ಭಕ್ತರೆಲ್ಲ ಕೊಡಿಕೊಂಡು 

ಭಜನೆಯನ್ನು ಮಾಡಿಕೊಂಡು |

ವೇಷ ಮಾಡಿ ಹಾಡಿ ನಲಿಯುವ ||ಬೆಳ್ಳಿ||

ಪಾರ್ವತಿಯ ಗಂಡನಂತೆ 

ಮೂರು ಲೋಕಕೊಡೆಯನಂತೆ |

ಮೂರು ಕಣ್ಣ ಮೂರುತಿಯಂತೆ ||ಬೆಳ್ಳಿ||

ಕೈಯಲ್ಲೊಂದು ಜಪದ ಸರ 

ಮೈಯಲ್ಲೊಂದು ಸುಟ್ಟ ಚರ್ಮ |

ತಿಲಕಮಂಡಲ ಧಾರಿಯಂತೆ ||ಬೆಳ್ಳಿ||