ಆಡುತ ಬಾರಮ್ಮ

 

ಆಡುತ ಬಾರಮ್ಮ ನಲಿ ನಲಿದಾಡುತ ಬಾರಮ್ಮ ||ಪ||

ಆಡುತ ವರಗಳ ನೀಡುತ ದಯದಲಿ |
ಬೇಡಿದವರಿಗೆ ಇಷ್ಟಾರ್ಥವ ನೀಡುತ ||ಅ. ಪ||

ಬೇಸರವು ಬೇಡಮ್ಮಾ ನಿಮ್ಮಯ ದಾಸರ ದಾಸನು ನಾ ತಾಯೆ |
ವಾಸನ ಪೂರಿತೆ ವನರುಹನೇತ್ರೆ |
ಸಾಸಿರ ನಾಮದ ವಾಸುದೇವನ ಸತಿ ||ಆಡುತ||

ಕರೆದರೆ ಓ ಎಂದು  ಭಕ್ತರ ಮೊರೆಯಲಾಲಿಸಿ  ಬಂದು ತಾಯೆ |
ಕರುಣದಿ ಶರಣರ  ಪೊರೆದು ರಕ್ಷಿಸುವಂತ 
ಮುರಹರ ವೆಂಕಟರಮಣನರ್ಧಾಂಗಿಯೇ ||ಆಡುತ||

ಧರೆಯೊಳಧಿಕವಾದ ಪುಳಿನಾ ಪುರದೊಳು ನೆಲೆಯಾದ ತಾಯೆ|
ಶರಣಾಗತರಿಗೆ ಉನ್ನತ ವರ ವೀವ
ಶ್ರೀ ಗುರುದತ್ತಾತ್ರೆಯ ರಾಜರಾಜೇಶ್ವರಿ ||ಆಡುತ||