ಕುಣಿಯುತ ನಲಿಯುತ

 

ಕುಣಿಯುತ ನಲಿಯುತ ಬಾ ಶಂಕರ | 
ಮಣಿಯುವೆ ನಿನ್ನಡಿಗಳಿಗೆ ನಾನೆರಗುವೆ ||ಪ||

ಢಮಢಮಢಮ ಎಂದು ಡಮರುಗ ದ್ವಾನಿಸಲು 
ಠಣಠಣಠಣ ಎಂದು ವೃಷಭವು ನಲಿಯೇ |
ಝಣ ತಕ ತಕ ಝಣ ತಾಕಿಟ ತಕ ಕಿಟ |
ಝಣ ಎಂದು ನಂದಿ ಮೃದಂಗವ ಬಾರಿಸಲು ||ಕುಣಿಯುತ ||

ಹರ ಹರ ಹರ ಎಂದು ಗಣಗಳು ತುತಿಸೆ 
ಪೊರೆಯಂದಹಿವಿದ್ದು ಗಂಗೆಯು ನಮಿಸೆ |
ಸರಿಗಮಪದನಿಸ ಸ್ವರಗಳು ಪಾಡುತ | 
ನಾರದ ತುಂಬುರ ಗಾನವ ಮಾಡಲು ||ಕುಣಿಯುತ||

ವರಕಮಲೆಶನ ಚರಿತೆಯ ಜಗದೊಳು 
ಪರಿಪರಿ ಭಾವದಿ ನರ್ತಿಸಿ ತೋರುತ |
ಪೊರೆಯುತ ಭಕುತರ ವರವೀಯುತ ಬಾ |
ಗಿರಿಜಾಲಿಂಗಿತ ನಾಟ್ಯಾಚಾರ್ಯ ||ಕುಣಿಯುತ||