ದಿನಕರನುದಿಸಿದನು

 

ದಿನಕರನುದಿಸಿದನು ಧರೆಯೊಳಗೆ

ದಿನಕರನುದಿಸಿದನು |

ದಾನವ ಕುಲದಲಿ ಕ್ಷೋಣಿಯೊಳಗೆ ||ಪ||

ಪ್ರಥಮ ಪ್ರಲ್ಹಾದನಾಗಿ ಅವತಾರ ಮಾಡಿ 

ಸತತ ಹರಿಯ ನುತಿಸಿ |

ಮತಿಹೀನನಾದ ತಂದೆಗೆ ನರಹರಿ ರೂಪ

ರತಿಯಿಂದ ತೋರಿದ ಪ್ರಲ್ಹಾದರಾಯರೆಂಬ ||ದಿನಕರ||

ವ್ಯಾಸಮುನಿಯ ಎನಿಸಿ 

ಸೋಸಿಲಿಂಗವಾಸವನುತನ ಭಜಿಸಿ |

ದಾಸನೆಂದು ಮೆರೆದಿ ನವ ವೃಂದಾವನದಿ

ಸೋಸಿಲಿ ಕರೆದರೆ ವಾಸ ಮಾಡುವುದಕ್ಕೆ ||ದಿನಕರ||

ತುಂಗಭದ್ರೆ ನದಿಯ ತೀರದಿ 

ಮಂಗಳ ಮಂತ್ರಾಲಯ ಸ್ಥಳದಿ |

ಅಂಗಜ ಪಿತ ನಮ್ಮ ಐಹೊಳೆ ವೆಂಕಟನ 

ಕಂಗಳಿಂದ ಕಂಡ ಗುರು ರಾಘವೇಂದ್ರನೆಂಬ || ದಿನಕರ||