ನಿನ್ನ ನಂಬಿದೆ ದೇವನೇ

 

ನಿನ್ನ ನಂಬಿದೆ ದೇವನೇ, ದೇವರ ದೇವಾ 
ಚೆನ್ನ ಮೋಹನ ರೂಪನೇ || ಪ || 

ಬನ್ನ ಪಟ್ಟಿರುವೆನ್ನ ಚೆನ್ನಾಗಿ ಸಲಹುತ 
ಸನ್ನುತ ಮುಕುತಿಯ ನೀಡೋ ಹೇ ಗಣನಾಥ ||ಅ ಪ||

ಗಿರಿಜೆಯ ಸುತನಾಗಿಹೆ ಗಿರಿಜಾತನಯ 
ಹರನ ಪ್ರೇಮದ ಬಾಲನೆ |
ಕರಿಮುಖ ವಿಗ್ನೇಶ ಸುರನರ ಪೂಜಿತ 
ವಾರದಹಸ್ತನೆ ಭಯ ತರಿದೊಗೆ ಗಣನಾಥ || ನಿನ್ನ||

ಕಡುಬು ಮೋದಕ ನೀಡುವೆ ಲಂಬೋದರ 
ಕಡಲೆ ತಿನ್ನಲು ಕೊಡುವೆ |
ಜಡರುಹನಯನನೇ ಮೃಡಸುತ ಗಣಪನೆ 
ಎಡೆಬಿಡದೆನ್ನನು ಸಲಹೋ ಹೇ ಗಣನಾಥ ||ನಿನ್ನ||

ಮಂದಮತಿಯು ನಾನಿಹೆ ವಂದ್ಯಾತ್ಮನೇ 
ಮಂದ ಬುದ್ದಿಯ ನೀಗಿಸೊ |
ಕುಂದದ ಬಕುತಿಯ ಹೃದಯೊಡೊಲಿರಿಸುತೆ |
ಹೊಂದಿಸು ಮುಕುತಿಯ ಈಶ ಹೇ ಗಣನಾಥ ||ನಿನ್ನ||