ಬೆಳಗು ಜಾವದಿ ಬಾರೋ

 

ಬೆಳಗು ಜಾವದಿ ಬಾರೋ ಹರಿಯೇ
ನಿನ್ನಚರಣ ತೊಳೆದು ಜಲವ ಪಾನ ಮಾಡುವೆ ನಾ ||ಪ||

ನೀರ ಒಳಗೆ ನಿಂತುಕೊಂಬೆ, 
ಬೆನ್ನ ಭಾರ ಪೊತ್ತರೆ ನಗುವಳು ನಿನ್ನ ರಂಭೆ |
ಮೋರೆ ತಗ್ಗಿಸದರೇನೆಂಬೆ
ಜಗದಿ ನಾರಸಿಂಹನಾಗಿ ಪೂಜೆಯ ಕೊಂಬೆ ||ಬೆಳಗು||

ಬಲಿಯ ದಾನವ ಬೇಡಿದ್ಯಲ್ಲೋ, 
ಕ್ಷತ್ರಿ ಕುಲವ ಸವರೆ ಕೊಡಲಿಯ ಪಿಡಿದ್ಯಲ್ಲೋ |
ಬಲವಂತ ನಿನಗಿದಿರು ಇಲ್ಲೋ
ನಿನ್ನ ಲಲನೆಯ ತಂದು ರಾಜ್ಯವನಾಳಿದ್ಯಲ್ಲೋ ||ಬೆಳಗು||

ಗೋಕುಲದಳು ಇದ್ದೀಯಲ್ಲೋ, 
ಲೋಕ ಪಾಕುಮಾಡಲು ಬುದ್ಧ ರೂಪನಾದ್ಯಲ್ಲೋ |
ಯಾಕೆ ಹಯವನೇರಿದ್ಯಲ್ಲೋ 
ನಮ್ಮಸಾಕುವ ಹಯವದನ ನೀನೆ ಬಂದ್ಯಲ್ಲೋ ||ಬೆಳಗು||