ಭಿಕ್ಷವ್ಯಾತಕೋ

 

ಭಿಕ್ಷವ್ಯಾತಕೋ ಪಾಲಾಕ್ಷ ನಿನಗೆ 
ಲಕುಮಿಪತಿಯೆಂಬ ಸಖನಿದ್ದ ಬಳಿಕ                        ।।ಪ।। 

ರಜತಾದ್ರಿ ಅರಮನೆಯು ಹೇಮಗಿರಿಯೇ ಧನವು 
ಗಜಗಮನ ಸುರನಿಕರ ಪರಿವಾರವು |
ಭುಜಗಪತಿ ಭೂಷಣನು ನಿಜರಾಣಿ ಅನ್ನಪೂರ್ಣೆ
ಗಜಮುಖನೆ ಮೊದಲಾದ ಮಕ್ಕಳಿರಲು             ।।ಭಿಕ್ಷ।।

ಬೇಡುವುದು ಬಿಟ್ಟು ನಿನ್ನೆತ್ತು ಯಮನಿಗೆ ಕೊಟ್ಟು 
ಮಾಡಬಾರದೆ ಮುಯ್ಯ ಅವನ ಕೋಣ |
ಜೋಡು ಮಾಡಿಕೊಂಡು ಬಾತಿಮುಟ್ಟು ತ್ರಿಶೂಲ 
ಬೇಡಿದ್ದು ಆಗದೆ ಬರಿದೆ ಧಾವತಿಗೊಂಬೆ                    ।।ಭಿಕ್ಷ।।

ರೊಕ್ಕ ರುಪಾಯಿಗಳು ಬೇಕೆಂಬಿಯಾ ಸಾಲ 
ತಕ್ಕೊ ಬಾರದೆ ಗೆಳೆಯ ಧನಪನಲ್ಲಿ |
ಶುಕ್ರ ಒಕ್ಕಣ್ಣ ಮೋಹನ ವಿಠಲ ಇಕ್ಕಣ್ಣ 
ಮುಕ್ಕಣ್ಣ ನೀನಾಗಿ ಮುಂಜಿ ಮಂತ್ರವ ಬಿಡದೆ             ।।ಭಿಕ್ಷ।।