ಧೂಪಾರತಿಯ ನೋಡುವ ಬನ್ನಿ

ನಮ್ಮಗೋಪಾಲಕೃಷ್ಣ ದೇವರ ಪೂಜೆಯ ||ಪ||

ಮದ್ದಳೆ ಝಾಗಟೆ ತಾಳ ದಂಡಿಗೆ ಭೇರಿ

ತದ್ಧಿಮಿ ಧಿಮಿಕೆಂದು ರಭಸಗಳು |

ಅದ್ಭುತ ಶಂಖ ನಾದಗಳಿಂದಲಿ ನಮ್ಮ

ಪದ್ಮನಾಭ ದೇವರ ದಿವ್ಯಪೂಜೆಯ ॥ ಧೂಪಾರತಿಯ ॥

ಅಗರು ಚಂದನ ಧೂಪ ಗುಗ್ಗುಳ ಸಾಂಬ್ರಾಣಿ

ಮಘಮಘಿಸುವ ಧೂಪದಾರತಿಯು |

ಮಿಗಿಲಾದ ಏಕಾರತಿ ಭಕ್ತಿಯಲಿ ನಮ್ಮ

ಜಗನ್ನಾಥವಿಠಲ ದೇವರ ಪೂಜೆಯ ॥ ಧೂಪಾರತಿಯ ॥

ಹರಿಸರ್ವೋತ್ತಮನ ಭಕ್ತರಾಧಾರನ

ಪರಮ ಮಂಗಳ ಮೂರ್ತಿ ಪಾವನನ |

ಪರದೈವವಾದಂಥ ಶ್ರೀರಂಗನಾಥನ

ಪುರಂದರ ವಿಠಲನ ದೇವರ ಪೂಜೆಯ ॥ ಧೂಪಾರತಿಯ ॥

ಭಜನೆಗಳು