ನಿನ್ನ ನಂಬಿದೆ ಶಾರದೆ

 

 ನಿನ್ನ ನಂಬಿದೆ ಶಾರದೆ  
ಭಕ್ತಗೆ ಮತಿಯನ್ನು ಪಾಲಿಸಬಾರದೇ ||ಪ||

ಚೆನ್ನಾಗಿ ವಿಧ್ಯೆಯ ಕಲಿತು ಮರೆಯದಂತೆ 
ಎನ್ನ ಹೃತ್ಕಮಲದೊಳ್ ನೆಲೆಸಿರು ಅನುದಿನ ||ಅ ಪ||

ಆರು ಶಾಸ್ತ್ರ ಪುರಾಣದ ಅರ್ಥಾನುಭಾವ
ತೋರಿಸೆನ್ನನು ಸರ್ವದಾ |
ನೀರು ನದಿಯೊಳು ಹರಿವಂತೆ ಚತುರ್ವೇದ 
ಸಾರವ ಅರುಹೆನ್ನ ಜಿಂಹೆಯೊಳ್ ನೆಲೆಸಿರು ||ನಿನ್ನ||

ಧರ್ಮತತ್ವವು ಕೂಡಿರ್ದ 
ವೇದಾಂತದ ಮರ್ಮ ಸಾರವು ಸರ್ವದಾ |
ಧರ್ಮಕರ್ಮಗಳೊಳು ಮರ್ಮವ ಅರಿವಂತೆ 
ನಿರ್ಮೋಹವಿಡದೆ ಸದ್ಧರ್ಮದಿಂ ಪೊರೆಯೆನ್ನ ||ನಿನ್ನ||

ಸಾದು ಸನ್ಮತಿಯ ಕೊಡು 
ಯಾವಾಗಲೂ ಮದುರ ವಚನ ನೀಡು|
ವಾದತರ್ಕದೊಳು ಸೋಲದೆ ಇರುವಂತ 
ಆದಿ ಶೃಂಗೇರಿ ಶ್ರೀಶಾರದೆ ಕೃಪೆ ತೋರು ||ನಿನ್ನ||