ಗರುಡ ಗಮನ

 

ಗರುಡ ಗಮನ ಬಂದನೋ 

ನೋಡಿರೋ ಬೇಗ, ಗರುಡ ಗಮನ ಬಂದನೋ ||ಪ|| 

ಗರುಡ ಗಮನ ಬಂದ ಧರಣಿಯಿಂದೊಪ್ಪುತ | 

ಕರೆದು ಬಾರೆನ್ನುತ ವರಗಳ ಬೀರುತ ||ಅ.ಪ.|| 

ಎನ್ನ ರಕ್ಷಿಪ ದೊರೆ ಇಲ್ಲಿಗೆ ತಾ ಬಂದ 

ಚಿನ್ನವ ಪೋಲುವ ವಿಹಂಗದ ರಥದಲ್ಲಿ |

ಘನ್ನ ಮಹಿಮ ಬಂದ ಅಬಿನ್ನ ಮೂರುತಿ ಬಂದ | 

ಸಣ್ಣ ಕೃಷ್ಣ ಬಂದಾಬೆಣ್ಣೆ ಕಳ್ಳಬಂದ ||ಗರುಡ||

ಪಕ್ಷಿವಾಹನ ಬಂದ ಲಕ್ಷ್ಮೀಪತಿಯು ಬಂದ

ಕುಕ್ಷಿಯೊಳಗೆ ಜಗವ ಇಟ್ಟವತಾಬಂದ |

ಸೂಕ್ಷ್ಮಸೂಲದೊಳು ಇಪ್ಪನು ತಾ ಬಂದ | 

ಸಾಕ್ಷಿಭೂತ ಅವ ಸತ್ಯೇಶ್ವರ ಬಂದ ||ಗರುಡ||

ತಂದೆ ಪುರಂದರವಿಠಲ ರಾಯ ಬಂದ  

ಬಂದು ನಿಂದು ನಲಿದಾಡಿದನೋ | 

ಸಿಂಧುಶಯನ ಬಂದ ಅಂದು ಸಾಂದೀಪನ | 

ನಂದನ ತಂದಿತ್ತ ಆನಂದ ಮೂರುತಿ ಬಂದ ||ಗರುಡ||