ಶಿವ ಶಿವ ಎಂದರೆ

 

ಶಿವ ಶಿವ ಎಂದರೆ ಭಯವಿಲ್ಲ
ನಾಮಕೆ ಸಾಟಿ ಬೇರಿಲ್ಲ |
ಶಿವ ನಾಮಕೆ ಸಾಟಿ ಬೇರಿಲ್ಲ ||ಪ||

ಶಿವ ಭಕ್ತನಿಗೆ ನರಕಾ ಇಲ್ಲ |
ಜನುಮ ಜನುಮಗಳ ಕಾಟವು ಇಲ್ಲ ||ಅ ಪ||                

ಅನ್ನದಾನವ ಮರೆಯದಿರು
ನಾನು ನನ್ನದು ಎನ್ನದಿರು |
ಉನ್ನತಿ ಸಾಧಿಸೆ ಹಗಲಿರುಳು
ದೀನಾನಾಥನ ಮರೆಯದಿರು  || ಶಿವ ಶಿವ ||             

ಭೋಗ ಭಾಗ್ಯದ ಬಲೆಯೊಳಗೆ
ಬಳಲಿ ಬಾಡದೆ ಇಳೆಯೊಳಗೆ |
ಕಾಯಕ ಮಾಡುತ ಎಂದೆಂದೂ
ಆತ್ಮಾನಂದವ ಪಡೆಯುತಿರು || ಶಿವ ಶಿವ ||                             

ದಾನವೆ ಜಗದೊಳು ತಪವಯ್ಯ
ಧ್ಯಾನವೆ ಘನತರ ಜಪವಯ್ಯ |
ಅಪಕಾರವ ನೀ ಮಾಡಿದರೆ
ಕೈಲಾಸವದು ಸಿಗದಯ್ಯ || ಶಿವ ಶಿವ ||