ಶರಣು ಶರಣಯ್ಯ

 

ಶರಣು ಶರಣಯ್ಯ ಶರಣು ಬೆನಕಾ |
ನೀಡಯ್ಯಾ ಬಾಳೆಲ್ಲ ಬೆಳಗುವ ಬೆಳಕಾ ||ಪ ||

ನಿನ್ನ ನಂಬಿದ ಜನಕೆ ಇಹುದಯ್ಯ ಎಲ್ಲ ಸುಖ |
ತಂದೆ ಕಾಯೋ ನಮ್ಮ ಕರಿಮುಖ ||ಅ ಪ||

ಎಲ್ಲಾರು ಒಂದಾಗಿ ನಿನ್ನ 
ನಮಿಸಿ ನಡೆಯೋದು ನೋಡೋಕೆ ಚೆನ್ನ |
ಗರಿಕೆ ತಂದರೆ ನೀನು ಕೊಡುವೆ ವರವನ್ನ 
ಗತಿ ನೀನೆ ಗಣಪನೇ ಕೈ ಹಿಡಿಯೋ ಮುನ್ನ ||ಶರಣು ||

ಸೂರ್ಯನೆದುರಲಿ ಮಂಜು ಕರಗುವ ರೀತಿ 
ನಿನ್ನ ನೆನೆಯಲು ಒಡನೆ ಓಡುವುದು ಭೀತಿ |
ನೀಡಯ್ಯಾ ಕಷ್ಟಗಳ ಗೆಲ್ಲುವ ಶಕುತಿ 
ತೋರಯ್ಯ ನಮ್ಮಲ್ಲಿ ನಿನ್ನಯಾ ಪ್ರೀತಿ ||ಶರಣು ||