ವರವ ಕೊಡು ಎನಗೆ

 

ವರವ ಕೊಡು ಎನಗೆ ವಾಗ್ದೇವಿ ನಿನ್ನ
ಚರಣಕಮಲಂಗಳನ ದಯಮಾಡು ದೇವಿ            ||ಪ||

ಶಶಿ ಮುಖದ ನಸುನಗೆಯ ಬಾಲೆ
ಎಸೆವ ಕರ್ಣದಿ ಮುತ್ತಿನೋಲೆ |
ನಸುನಗುವ ಸುಲಿಪಲ್ಲ ಗುಣಶೀಲೆ, ದೇವಿ
ಬಿಸಜಾಕ್ಷಿ ಎನ್ನ ಹೃದಯದೊಳು ನಿಂದು             ||ವರವ||

ಇಂಪು ಸೊಂಪಿನ ಚಂದ್ರಬಿಂಬೆ
ಕೆಂಪು ತುಟಿ ನಾಸಿಕದ ರಂಭೆ |
ಜೋಂಪು ಮದನನ ಪೂರ್ಣಶಕ್ತಿ ಗೊಂಬೆ 
ಸಂಪಿಗೆಯ ಮುಡಿಗಿಟ್ಟ ಶಾರದಾಂಬೆ     ||ವರವ||

ರವಿಕೋಟಿ ತೇಜಪ್ರಕಾಶೆ
ಕವಿಜನರ ಹ್ರಿತ್ಕಮಲ ವಾಸೇ |
ಅವಿರಳಾಪುರಿಯ ಸಿರಿಕಾಗಿನೆಲೆಯಾದಿ 
ಕೇಶವನ ಸುತಗೆ ಸನ್ನುತದ ರಾಣಿವಾಸೆ ||ವರವ||