ತೂಗಿರೆ ರಾಯರ

 

ತೂಗಿರೆ ರಾಯರ ತೂಗಿರೆ ಗುರುಗಳ

ತೂಗಿರೆ ಯಕಿಕುಲ ತಿಲಕರ ||ಪ||

ತೂಗಿರೆ ಯೋಗೀಂದ್ರ ಕರಕಮಲ ಪೂಜ್ಯರ

ತೂಗಿರೆ ಗುರು ರಾಘವೇಂದ್ರ ರ ||ಅಪ||

ಕುಂದನ ಮಯವಾದ ಚಂದದ ತೊಟ್ಟಿಲೊಳ್

ಆನಂದದಿ ಮಲಗ್ಯಾರ ತೂಗಿರೆ |

ನಂದನ ಕಂದ ಗೋವಿಂದ ಮುಕುಂದನ

ಚಂದದಿ ಭಜಿಪರ ತೋಗಿರೆ ||ತೂಗಿರೆ ||

ಯೋಗ ನಿದ್ರೆಯಾನ ಬೇಗನೆ ಮಡುವ

ಯೋಗಿಶ್ಯ ವಂದ್ಯರ ತೂಗಿರೆ |

ಭೋಗಿಶಯನನ ಪಾದ

ಮೋದದಿ ಭಜಿಪರ ಭಾಗವತರನ್ನ ತೂಗಿರೆ ||ತೂಗಿರೆ ||

ಅದ್ವೈತ ಮತದ ವಿದ್ವಂಸದ ನಿಜ ಗುರು

ಮಧ್ವಮತೋದ್ಧಾರನ ತೂಗಿರೆ |

ಶುದ್ದ ಸಂಕಲ್ಪದಿ ಬಂದ ನಿಜ ಭಕ್ತರ

ಉಧ್ಧಾರ ಮಾಳ್ಪರ  ತೂಗಿರೆ ||ತೂಗಿರೆ ||

ಭಜಕ ಜನರು ತಮ್ಮ ಭಜಜೆಯ ಮಾಡಲು

ನಿಜ ಗತಿ ಇಪ್ಪರ  ತೂಗಿರೆ |

ನಿಜ ಗುರು ಜಗನಾಥ ವಿಠಲನ ಪಾದವ

ಭಜನೆಯ ಮಾಳ್ಪರ ತೂಗಿರೆ ||ತೂಗಿರೆ ||