ನೋಡ ನೋಡ

 

ನೋಡ ನೋಡ ,ನೋಡ ನೋಡ ||

ನೋಡ ನೋಡ ಗೋಪಾಲಕೃಷ್ಣ ಎಂಥ ಚೆಲುವ |

ನೋಡ ನೋಡ ಶ್ರೀ ಹರಿ ತಾನೆಂಥಾ ಚೆಲುವ ||ಪ ||

ನೋಡ ನೋಡ‌ ರುಕ್ಮಿಣಿ ಪ್ರಿಯ ಎಂಥ ಚೆಲುವ ||ಅ ಪ||

ಕಾಲಲಂದಿಗೆ ಗೆಜ್ಜೆಯ ನೋಡು

ಮೇಲೆ ಪೈಝಣಿ ಸರಪಳಿ ನೋಡು |

ಉಂಗುಷ್ಟದಿಂದ ಗಂಗೆಯ ಪಡೆದ 

ಮಂಗಳಾತ್ಮಕ ರಂಗನ ನೋಡು ||ನೋಡ ನೋಡ||

ವಜ್ರದ ಕಿರೀಟ ನೋಡು 

ಕರ್ಣಕುಂಡಲ ನೋಡು |

ಚಿನ್ನದ ಕೊಳಲನೂದುವಂಥ 

ಬಾಲ ಮುಖದ ರಂಗನ ನೋಡು ||ನೋಡ ನೋಡ||

ವಕ್ಷಸ್ಥಳದಲಿ ಲಕ್ಷ್ಮಿಯ ನೋಡು

ವೈಜಯಂತಿ ಮಾಲೆಯ ನೋಡು |

ನಾಭಿ ಕಮಲದಿ ಬ್ರಹ್ಮನ ಪಡೆದ 

ನೀಲವರ್ಣ ಕೃಷ್ಣನ ನೋಡು||ನೋಡ ನೋಡ||

ಕಂದನ ಮೊರೆಯ ಕೇಳಿ 

ಕಂಭದಿಂದ ಒಡೆದು ಬಂದು |

ಹಿರಣ್ಯಕನ ಉದರವ ಸೀಳಿ 

ಕರುಳ ಮಾಲೆ ಧರಿಸಿದ ನೋಡು  ||ನೋಡ ನೋಡ ||

ಕರಿರಾಜನ ಮೊರೆಯ ಕೇಳಿ 

ಚಕ್ರದಿಂದ ನಕ್ರನ ಸೀಳಿ |

ಪುರಂದರ ವಿಠ್ಠಲನಾಗಿ 

ಗಿರಿಯ ಮೇಲೆ ನಿಂತನು ನೋಡು ||ನೋಡ ನೋಡ||