ಕರುಣಿಸೋ ರಂಗ

 

ಕರುಣಿಸೋ ರಂಗ ಕರುಣಿಸೋ 
ಕೃಷ್ಣ ಕರುಣಿಸೋ, ರಂಗ ಕರುಣಿಸೋ||ಪ|| 

ಹಗಲು ಇರುಳು ನಿನ್ನ
ಸ್ಮರಣೆ ಮರೆಯದಂತೆ ||ಅ ಪ || 

ರುಕುಮಾಂಗದನಂತೆ ವ್ರತವ ನಾನರಿಯೆ | 
ಶುಕಮುನಿಯಂತೆ ಸ್ತುತಿಸಲು ಅರಿಯೆ | 
ಬಕವೈರಿಯಂತೆ ಧ್ಯಾನವ ಮಾಡಲರಿಯೇ| 
ದೇವಕಿಯಂತೆ ಮುದ್ದಿಸಲರಿಯೆನೋ ಕೃಷ್ಣ ||ಕರುಣಿಸೋ||

ಗರುಡನಂದದಿ ಪೊತ್ತು ತಿರುಗಲು ಅರಿಯೆ | 
ಕರಿಯಲು ಅರಿಯೆ ಕರಿರಾಜ ನಂತೆ | 
ವರಕಪಿಯಂತೆ ದಾಸ್ಯವ ಮಾಡಲರಿಯೇ | 
ಸಿರಿಯಂತೆ ನೆರೆದು ಮೋಹಿಸಲರಿಯೆನೋ ಕೃಷ್ಣ ||ಕರುಣಿಸೋ||

ಬಲಿಯಂತೆ ದಾನವ ಕೊಡಲು ಅರಿಯೆ | 
ಭಕ್ತಿ ಛಲವನು ಅರಿಯೇ ಪ್ರಹ್ಲಾದನಂತೆ | 
ವರಿಸಲು ಅರಿಯೆ ಅರ್ಜುನನಂತೆ ಸಖನಾಗಿ | 
ಸಲಹೋ ದೇವರ ದೇವ ಶ್ರೀ ಪುರಂದರವಿಠ್ಠಲ ||ಕರುಣಿಸೋ||