ನಂದ ಕಿಶೋರ ನವನೀತ ಚೋರ

 

ನಂದ ಕಿಶೋರ, ನವನೀತ ಚೋರ, ಉಡುಪಿ ನಾಥ ಶ್ರೀ ಹರಿ ||ಪ||  

ಶ್ಯಾಮಲ ಕೋಮಲ, ಕೃಷ್ಣ ಮುರಾರಿ, ಮೋಹನ ಮುರಳಿಧಾರಿ ||ಅ ಪ|| 

ನಗೆ ಬೆಳದಿಂಗಳ ಚೆಲ್ಲುತನಿಂದ, ಭಕುತರ ಕಾಯುವ ಗೋವಿಂದ | 
ನಲಿಯುತ ಗೋಪಿಯರೆಲ್ಲರ ಕೂಡಿ, ಆಡುತ ನೀಡುವ ಆನಂದ | 
ಹಸುಕರು ಕೂಗಲು, ತವಕದಿ ಓಡುವ, ಹಸುಳೆಯ ತೆರದಿ ಮುಕುಂದಾ ||ನಂದ ಕಿಶೋರ||

ಕಂಸನ ಕಂಡು, ಕಿಡಿಮಿಡಿಗೊಂಡು, ಧ್ವ0ಸವ ಮಾಡಿದ ಅಸುರಾರಿ | 
ಕನಕನ ಕಂಡು, ಬಲು ಮುದಗೊಂಡು, ಕಿಂಡಿಯಲಿಣಿಕಿದ ದಯೆ ತೋರಿ | 
ಕನ್ನಡ ನೆಲದಲ್ಲಿ, ನಲೆಸಿದ ನಮ್ಮ ಕರುಣಾಸಾಗರ ಶ್ರೀಹರಿ ||ನಂದ ಕಿಶೋರ||