ಮಂಗಳಂ

 

ಮಂಗಳಂ ಜಯ ಜಯ ಮಂಗಳಂ

ಮಂಗಳಂ ಶುಭ ಶುಭ ಮಂಗಳಂ ||

ಜಲದಲಿ ಚಲಿಸುವ ಮತ್ಸ್ಯನಿಗೆ

ಗಿರಿಯ ಬೆನ್ನಲಿ ಪೊತ್ತ ಕೂರ್ಮನಿಗೆ

ಧರೆಯನುದ್ಧರಿಸಿದ ವರಾಹವತಾರಗೆ

ಚಿಕ್ಕ ಮಗುವ ಕಾಯ್ದ ಶ್ರೀ ನರಸಿಂಹಗೆ || ಮಂಗಳಂ||

ಭೂಮಿಯ ದಾನವ ಬೇಡಿದಗೆ

ಆ ಮಹಾಕ್ಷತ್ರಿಯರ ಗೆಲಿದವಗೆ

ರಾಮಚಂದ್ರನೆಂಬ ದಶರಥಸುತನಿಗೆ

ಸತ್ಯಭಾಮೆಯರರಸ ಗೋಪಾಲಕೃಷ್ಣಗೆ ||ಮಂಗಳಂ ||

ಬತ್ತಯಲಿ ನಿಂತ ಬೌದ್ಧನಿಗೆ

ಉತ್ತಮ ಹಯವೇರಿದ ಕಲ್ಕ್ಯನಿಗೇ

ಹತ್ತವತಾರದಿ ಭಕ್ತರ ಸಲಹುವ

ಕರ್ತೃ ಶ್ರೀ ಪುರಂದರ ವಿಠಲನಿಗೆ || ಮಂಗಳಂ ||