ವಾಣಿ ಪರಮ ಕಲ್ಯಾಣಿ

 

ವಾಣಿ ಪರಮ ಕಲ್ಯಾಣಿ 
ನಮೋ ನಮೋ, ಅಜನ ರಾಣಿ ಪಂಕಜಪಾಣಿ ।।ಪ ।।

ಫಳಿರೆ  ಫಳಿರೆಯೆಂಬೆ  ಭಕ್ತಜನ ಸುಖದಾಂಬೆ
ಸುಳಿದಾಡು ಶುಭಾನಿತಂಬೆ  ಅಂಬೇ ….. ।।  ಅ ಪ ।।

ಹೊಳೆ ಹೊಳೆವ ಮುಖ ಮುಕುರಬಿಂಬೆ
ಇಳೆಯೊಳಗೆ ಸರಿಗಾಣೆ  ಶಾರದಾಂಬೆ ಪುತ್ಥಳಿಗೊಂಬೆ ।
ಶರಣು ಶರಣಲೇ  ದೇವಿ ಸ್ಮರಣೆಮಾತ್ರದಿ ಕಾಯ್ವೆ
ಚರಣದಂದುಗೆ  ಕೀವಿ ಮೆರೆವೆ ವಾಗ್ದೇವಿ ।। ವಾಣಿ ।।

ನಲಿನಲಿವಾ ಆಭರಣಗಳ  ಧರಿಸಿ ನಟಿಸುವಿ ದೇವಿ
ಇಳೆಯೊಳಗೆ ಹರಿಣಾಕ್ಷಿ  ಸಲಹು ಕಾಮಾಕ್ಷಿ ।
ಜಯ ಜಯತು ಜಗನ್ಮಾತೆ ಜಗದೊಳಗೆ ಪ್ರಖ್ಯಾತೆ
ದಯಮಾಡು ದವಳಗೀತೆ  ಮಾತೇ ….. ।। ವಾಣಿ ।।

ನಿನ್ನಿಂದ ವಿದ್ಯೆ ಬುದ್ಧಿ ಅರಿಯೊಲುವೇ  ಅಮ್ಮ
ನಿನ್ನ ನಂಬಿದೆ ತಾಯೇ  ನೀ  ಬಂದು ಕಾಯೇ ।
ಸತತ ಶ್ರೀ ಹಯವದನ  ಪದ ಸೇವಕ ಪ್ರೀತೆ
ಕ್ಷಿತಿಯೊಳಗೆ ಲಯದಿಂದ ತೆಳಿಸೆನ್ನ ಮಾತೆ ವಿಧಿಜಾತೆ ।।ವಾಣಿ ।।