ವೆಂಕಟರಮಣನೆ ಬಾರೋ

ಶೇಷಾಚಲವಾಸನೆ ಬಾರೋ ||ಪ||

ಪಂಕಜನಾಭ ಪರಮ ಪವಿತ್ರ

ಶಂಕರ ಮಿತ್ರನೇ ಬಾರೋ ||ಅ.ಪ||

ಮುದ್ದು ಮುಖದ ಮಗುವೆ, ನಿನಗೆ ಮುತ್ತು ಕೊಡುವೆನು ಬಾರೋ |

ನಿರ್ದಯವೇಕೋ ನಿನ್ನೊಳಗೆ ನಾನು ಪೊಂದಿದ್ದೇನು ಬಾರೋ ||ವೆಂಕಟರಮಣನೆ||

ಮಂದರ ಗಿರಿಯನೆತ್ತಿದ ಆನಂದ ಮೂರ್ತಿಯೇ ನೀ ಬಾರೋ |

ನಂದನ ಕಂದ ಗೋವಿಂದ ಮುಕುಂದ, ಇಂದಿರೆಯರಸನೆ ಬಾರೋ ||ವೆಂಕಟರಮಣನೆ||

ಕಾಮನಯ್ಯ ಕರುಣಾಳು, ಶ್ಯಾಮಲ ವರ್ಣನೆ ಬಾರೋ |

ಕೋಮಾಳಾಂಗ ಶ್ರೀಪುರಂದರ ವಿಠಲನೆ ಸ್ವಾಮಿರಾಯನೆ ಬಾರೋ ||ವೆಂಕಟರಮಣನೆ||

ಭಜನೆಗಳು