ಕಣ್ಣುಗಳೆರಡು ಸಾಲದಮ್ಮ

 

ಕಣ್ಣುಗಳೆರಡು ಸಾಲದಮ್ಮ ಲಕ್ಷ್ಮಿ ನಿನ್ನ ನೋಡಲು
ನಾಲಿಗೆ ಹೊರಳಿ ನುಡಿಯದಮ್ಮ ನಿನ್ನ ಗಾನವ  ಪಾಡಲು||ಪ||
 
ಯಾವ  ಭಾವದಿ  ಯಾವ ರಾಗದಿ 
ಪಾಡಿ ಹಾಡಲಿ ನಿನ್ನಯ ತಾಯಿ||ಅ ಪ||

ಶರಣಾಗತ ವರದೇ, ವರ ದೇವಿ ಕರುಣ ಸದಯೇ 
ಸುರವರ ಪೂಜಿತೆಯೇ, ಕರವೀರ ಪುರಾನಿಲಯೇ |
ದುರಿತ ನಿವಾರಿಣಿ ಭವ ಭಯ ಹಾರಿಣಿ 
ಮಂಗಳದಾಯಿನಿ ನಾರಾಯಣಿ ||ಕಣ್ಣುಗಳೆರಡು||

ಪನ್ನಗ ಫಣಿ ವೇಣಿ, ಪದ್ಮಾಸಿನಿ ಹರಿ ರಾಣಿ
ಪದ್ಮ ಗದಾ ಪಾಣಿ, ಪರಮ ಗುಣಾ ಸುಗುಣಿ |
ಇಂದಿರ ನಯನೇ ಚಂದಿರ ವದನೇ
ಅನುಪಮ ಸುಂದರಿ ನಾರಾಯಣಿ ||ಕಣ್ಣುಗಳೆರಡು||

ಧನ ಕನಕವ ಕೊಡುವ ಧನ ಲಕ್ಷ್ಮಿಯು ನೀನಾಗಿ 
ಧರೆಯಲಿ ನೆಲೆಸಿರುವೆ ದೀನರ ರಕ್ಷಿಸಲು |
ಸಂಕಟ ಹರಿಸುವ ವೆಂಕಟ ರಮಣಿ 
ಆರ್ದ ಪರಾಯಣಿ ನಾರಾಯಣಿ ||ಕಣ್ಣುಗಳೆರಡು||