ನೀನೆ ದಯಾಳು

 

ನೀನೆ ದಯಾಳು ನಿರ್ಮಲ ಚಿತ್ತ ಗೋವಿಂದ |

ನಿಗಮ ಗೋಚರ ಮುಕುಂದ || ಪ ||

ಜ್ಞಾನಿಗಳರಸ ನೀನಲ್ಲದೆ ಜಗಕಿನ್ನು |

ಮಾನದಿಂದಲಿ ಕಾಯ್ವ ದೊರೆಗಳ ನಾ ಕಾಣೆ || ಅ.ಪ. ||

ದಾನವಾಂತಕ ದೀನ ಜನ ಮಂದಾರನೆ 

ಧ್ಯಾನಿಪರ ಮನದಲ್ಲಿ ಸಂಚಾರನೆ |

ಮೌನನಾದೆನು ನಿನ್ನ ಧ್ಯಾನಾನಂದದಿ ಈಗ 

ಸಾನುರಾಗದಿ ಕಾಯೊ ಸನಕಾದಿ ವಂದ್ಯನೆ || ನೀನೆ ||

ಬಗೆ ಬಗೆಯಲಿ ನಿನ್ನ ಸ್ತುತಿಪೆನೊ ನಗಧರ 

ಖಗಪತಿ ವಾಹನನೇ |

ಮಗುವಿನ ಮಾತೆಂದು ನಗುತ ಕೇಳಿ ಬಂದು 

ಬೇಗದಿಂದಲಿ ಕಾಯೊ ಸಾಗರ ಶಯನನೇ ||ನೀನೆ ||

ಮಂದರಧರ ಅರವಿಂದಲೋಚನ ನಿನ್ನ 

ಕಂದನೆಂದೆನಿಸೊ ಎನ್ನ |

ಸಂದೇಹವೇಕಿನ್ನು ಸ್ವಾಮಿ ಮುಕುಂದನೇ 

ಬಂದೆನ್ನ ಕಾಯೊ ಶ್ರೀ ಪುರುಂದವಿಠ್ಠಲ || ನೀನೆ ||