ತುಳು ದಶಾವತಾರ

 

ಲೇಲೇಲೇ ಲೇಲೇಲೇ ಲೇಲೇಲೇ ಗಾ || ಪ ||

ಲೇಲೇಲೇ ಲೇಲೇ  ಕಂಡು ಲೇಲೇ ಗಾ || ಅ  ಪ ||

ಕಣ್ಣ್ ಬುಡ್ದ್ ನೀರ್ದುಲಾಯಿ ಇಥಿನ್ ಏರ್ ಗಾ |

ಅಣ್ಣೆ ಪಣ್ಪೆ ಕೇಣ್ಣಿ ಮತ್ಸ ದೇವರತ್ತೆ ಗಾ || ಲೇಲೇಲೇ ||

ಪರ್ವತೊನು ಬೆರಿಟ್‌ದೀದ್ ದೆರ್ತಿನೇರ್ ಗಾ |

ಸರ್ವಲೋಕದೊಡೆಯ ಕೂರ್ಮ ದೇವರತ್ತೆಗಾ ||ಲೇಲೇಲೇ ||

ರಕ್ಕಸಾನ್  ಕೆರ್ದ್ ಭೂಮಿ ದೆರ್ತಿನೇರ್‌ ಗಾ |

ರಕ್ಕಾಸಹರಿ ಭೂವರಹಾ ದೇವೆರತ್ತೆಗ ||ಲೇಲೇಲೇ ||

ಕರಳಮಾಲೆ ಕಂಟೆಲ್‌ಡ್ ದೀತಿನೇರ್ ಗಾ |

ಮರಳ ದಾನಿಶೂರೇ ನಾರಸಿಂಹರತ್ತೆ ಗಾ ||ಲೇಲೇಲೇ||

ಚಕ್ರಪಾಣಿ ಬಲಿಟ್‌ಭೂಮಿ ನಟ್ಟಿನೇರ್ ಗಾ |

ಛತ್ರಧಾರಿ  ಅದಿತಿ ಪುತ್ರೇ ವಾಮನತ್ತೆ ಗಾ || ಲೇಲೇಲೇ||

ಕ್ಷತ್ರಿಯರೆನಿ ಬಹಳ ಸರ್ತಿ ಕೆರ್ತಿನೇರ್‌ ಗಾ |

ಸತ್ಯ ಪಣ್ಪೆ ಕೇಣ್ಳ ಪರಶುರಾಮರತ್ತೆ ಗಾ ||ಲೇಲೇಲೇ ||

ಉಪ್ಪು ನೀರ್ ಕಡಲ ಕಟ್ಟ ಕಟ್ಟಿನೇರ್‌ ಗಾ |

ಸರ್ಪಶಾಯಿ ಪನ್ಪಿ ರಾಮ ದೇವರತ್ತೆ ಗಾ ||ಲೇಲೇಲೇ||

ಅರ್ಜುನಾಗ್ ಸಾರಥಿತ್ವ ಮಾಲ್ತಿ ನೇರ್ ಗಾ |

ನಿರ್ಜರಾರಿ ಮಹಿಮೆ ಕೃಷ್ಣ ದೇವರತ್ತೆ ಗಾ ||ಲೇಲೇಲೇ||

ಕುಂಟು ಬುಡ್ದು ಬತ್ತಲೆಡ್ ಉಂತಿನೇರ್ಗ

ಸತ್ಯ ಪನ್ಪೆ ಬುದ್ಧೆರೆನಿಪಿ ದೇವರತ್ತೆ ಗಾ || ಲೇಲೇಲೇ ||

ಕುದುರೆ ಮಿತ್ತ್ ಕತ್ತಿ ಪತ್ ದ್ ತಿರ್ ಗಿನೇರ್ ಗಾ|

ಭದ್ರಕಲ್ಕಿ ಹಯವದನ ದೇವರತ್ತೆ ಗಾ || ಲೇಲೇಲೇ ||