ಬಾರೋ ನಮ್ಮ ಮನೆಗೆ

 

ಬಾರೋ ನಮ್ಮ ಮನೆಗೆ ಶ್ರೀ ರಾಘವೇಂದ್ರ ||ಪ||

ಬಾರೋ ದುಃಖಾಪಹಾರ ಬಾರೋ ದುರಿತದೂರ

ಬಾರಯ್ಯ ಸನ್ಮಾರ್ಗ ದಾರಿ ತೋರುವ ಗುರು ||ಅ ಪ||

ಬಾಲ ಪ್ರಹ್ಲಾದನಾಗಿ ಖೂಳ ಕಶ್ಯಪುವಿಗೆ

ಲೋಲ ಶ್ರೀ ನರಹರಿ ಕಾಲರೂಪನ ತೋರ್ದ ।।ಬಾರೋ ।।

ವ್ಯಾಸ ನಿರ್ಮಿತ ಗ್ರಂಥ ಮಧ್ವಕೃತ ಭಾಷ್ಯವ

ಬೇಸರದಿ ಓದಿ ಮೆರೆವ ವ್ಯಾಸಮುನಿಯೇ ।।ಬಾರೋ ।।

ಮಂತ್ರ ಗೃಹದಲಿ ನಿಂತ ಸುಯತಿವರ್ಯ

ಅಂತ ತಿಳಿಯದೋ ನೀ ಅಂತರದೊಳು ।

ಭೂತಪ್ರೇತಗಳ ಘಾತಿಸಿ ಬಿಡುವಂತ

ಖ್ಯಾತಿಯುತ ಶ್ರೀನಾಥನ ಸ್ತುತಿಸುವೆ।।ಬಾರೋ ।।

ಕುಷ್ಟರೋಗಾದಿಗಳ ನಷ್ಟ ಮಾಡುವಂತ

ಅಷ್ಟ ಮಹಿಮೆಯುತ ಶ್ರೇಷ್ಠ ಮುನಿಯೇ ।

ಕರೆದರೆ ಬರುವೆಂಬ ಕೀರುತಿ ಕೇಳಿ ನಾ

ಕರೆದನೋ ಕರುಣದಿ ಕರವ ಪಿಡಿಯೋ ।।ಬಾರೋ ।।

ಭಕ್ತವತ್ಸಲನೆಂಬ ಬಿರುದಿನಿಂದಾದರ

ಭಕ್ತನ ಮೊರೆ ಕೇಳೋ ಮಧ್ವೇಶ ವಿಠಲದಾಸ ।।ಬಾರೋ ।।