ಕಂಗಳ್ಯಾತಕೋ

 

ಕಂಗಳ್ಯಾತಕೋ ಕಾವೇರಿ ರಂಗನ ನೋಡದ || ಪ ||

ಜಗಂಗಳೊಳಗೆ ಮಂಗಳ ಮೂರುತಿ
ರಂಗನ ಶ್ರೀಪಾದಂಗಳ ನೋಡದ || ಅ ಪ ||

ಎಂದಿಗಾದರೊಮ್ಮೆ ಜನರು
ಬಂದು ಭೂಮಿಯಲ್ಲಿ ನಿಂದು |
ಚಂದ್ರಪುಷ್ಕರಣಿ ಸ್ನಾನವ ಮಾಡಿ
ಆನಂದದಿಂದಲಿ ರಂಗನ ನೋಡದ || ಕಂಗಳ್ಯಾತಕೋ ||

ಹರಿಪಾದೋದಕ ಸಮ ಕಾವೇರಿ
ವಿರಜಾ ನದಿಯಲ ಸಾನವ ಮಾಡಿ |
ಪರಮ ವೈಕುಂಠ ರಂಗನ ಮಂದಿರ
ಪರ ವಾಸುದೇವನ ನೋಡದ ||ಕಂಗಳ್ಯಾತಕೋ ||

ಹಾರ ಹೀರ ವೈಜಯಂತಿ
ತೋರ ಮುತ್ತಿನ ಹಾರವ ಧರಿಸಿ |
ತೇರನೇರಿ ಬೀದಿಲಿ ಮೆರೆವ
ರಂಗವಿಠಲ ರಾಯನ ನೋಡದ || ಕಂಗಳ್ಯಾತಕೋ ||