ಇಂದು ಶುಕ್ರವಾರ

 

 

ಇಂದು ಶುಕ್ರವಾರ ಶುಭವ ತರುವ ವಾರ

ಸುಮಂಗಲಿಯರೆಲ್ಲಾ ನಿನ್ನ ಪೂಜಿಸುವ ಪುಣ್ಯವಾರ ||ಪ||

 

ಮುಂಜಾನೆಯ ಮಡಿಯುಟ್ಟು,ಕುಂಕುಮವ ಹಣೆಗಿಟ್ಟು|

ರಂಗೋಲಿಯನು ಬಾಗಿಲಿಗಿಟ್ಟು,

ಹಣ್ಣುಕಾಯಿ ನೀಡುವ ವಾರ ||ಇಂದು||

 

ಮಲ್ಲಿಗೆ ಜಾಜಿ ಹೂಮಾಲೆ ಹಾಕಿ,ಚಂದನ ಹಚ್ಚಿ ಸಿಂಗಾರ ಮಾಡಿ|

ಕರ್ಪೂರದಾರತಿ ನಿನಗೆ ಬೆಳಗಿ

ಭಕ್ತಿಯಿ೦ದಲಿ ಭಜಿಸುವ ವಾರ ||ಇಂದು||

 

ಸುವಾಸಿನಿಯರಿಗೆ ಕುಂಕುಮ ಹಚ್ಚಿ,ಸಂಭ್ರಮದಿ೦ದ ಬಾಗಿನ ನೀಡಿ|

ಸರ್ವ ಮಂಗಲೆಯ ಕೀರ್ತಿಯ ಹಾಡಿ

ಸಕಲ ಭಾಗ್ಯವ ಬೇಡುವ ವಾರ  ||ಇಂದು||