ನಮ್ಮಮ್ಮ ಶಾರದೆ

 

ನಮ್ಮಮ್ಮ ಶಾರದೆ ಉಮಾಮಹೇಶ್ವರಿ

ನಿಮ್ಮೊಳಗಿಹನ್ಯಾರಮ್ಮ||ಪ|| 

ಕಮ್ಮಗೋಲನವೈರಿ, ಸುತನಾದ ಸೊಂಡಿಲ

ಹೆಮ್ಮೆಯ ಗಣನಾಥನೆ, ಕಣಮ್ಮ||ಅ ಪ||

ಮೋರೆ ಕಪ್ಪಿನ ಭಾವ

ಮೊರದಗಲದ ಕಿವಿ, ಕೋರೆ ದಾಡೆಯನ್ಯಾರಮ್ಮ|

ಮೂರು ಕಣ್ಣನ ಸುತ, ಮುರಿದಿಟ್ಟ ಚಂದ್ರನ

ಧೀರತಾ ಗಣನಾಥನೆ, ಕಣಮ್ಮ||ನಮ್ಮಮ್ಮ|| 

ಉಟ್ಟದಟ್ಟಿಯು ಪಿಡಿದುಟ್ಟ ಚಲ್ಲಣದ

ದಿಟ್ಟತಾನಿವನ್ಯಾರಮ್ಮ|

ಪಟ್ಟದ ರಾಣಿ, ಪಾರ್ವತಿಯ ಕುಮಾರನು

ಹೊಟ್ಟೆಯ ಗಣನಾಥನೆ, ಕಣಮ್ಮ||ನಮ್ಮಮ್ಮ|| 

ರಾಸಿ ವಿದ್ಯೆಯ ಬಲ್ಲ

ರಮಣಿ ಹಂಬಲನೊಲ್ಲ ಭಾಷಿಗನಿವನ್ಯಾರಮ್ಮ|

ಲೇಸಾಗಿ ಜನರ, ಸಲಹುವ ಕಾಗಿನೆಲೆಯಾದಿ

ಕೇಶವ ದಾಸ ಕಾಣೇ, ಅಮ್ಮಯ್ಯ||ನಮ್ಮಮ್ಮ||