ಶರಣು ಶರಣು ಜಯ ದುರ್ಗೆ

ಸರ್ವ ಶಕ್ತಿ ಜಗನ್ಮಾತೆ|

ಶರಣು ಶರಣು ಶಿವೆ ಗೌರಿ

ರಕ್ಷಿಸೆಮ್ಮ ಸುಖದಾತೆ ||ಪ||

ಮಂಗಳವಾರ ಸುಮಂಗಲಿಯರು

ನಿನ್ನಯ ನಾಮವ ಭಜಿಸಿರಲು|

ಒಂಭತ್ತು ವಾರ ವೃತವಿರಲು

ದೊರಕುವುದು ಇಷ್ಟಾರ್ಥಗಳು ||ಶರಣು||

ರಕ್ಷಿಸುವವಳು ನೀನೇ

ಶಿಕ್ಷಿಸುವವಳು ನೀನೇ |

ಅಣು ಅಣುವೆಲ್ಲಾ ತುಂಬಿಹೆ ನೀನು

ಕೋರಿಕೆ ಕರುಣಿಸು ಕಾಮಧೇನು ||ಶರಣು||

ಜಯ ಶಿವೆ ಶಂಕರಿ ಜಯ ಅಭಯಂಕರಿ

ಜಯ ಜಯ ಶಕ್ತಿ ಜಯ ಪ್ರಳಯಂಕರಿ |

ಜಯ ಶಿವೆ ಶಾಂಭವಿ ಜಯ ನಟ ಭೈರವಿ

ಜಯ ಕಾದಂಬರಿ ಜಯ ಶ್ವೇತಾಂಬರಿ ||ಶರಣು||

ಜಯ ಮಾತಂಗಿನಿ ಆನಂದದಾಯಿನಿ

ಜಯ ಜಗದಂಬೆ ಪುಣ್ಯ ಸ್ವರೂಪಿಣಿ |

ಓಂ ಜಗಜನನಿ ಮಾತಾಭವಾನಿ

ಓಂಕಾರೇಶ್ವರ ಚಿತ್ತ ನಿವಾಸಿನಿ ||ಶರಣು||

ಭಜನೆಗಳು