ಮೆಲ್ಲ ಮೆಲ್ಲನೆ ಬಂದನೆ

 

ಮೆಲ್ಲ ಮೆಲ್ಲನೆ ಬಂದನೆ, ಗೋಪ್ಯಮ್ಮ ಕೇಳೆ

ಮೆಲ್ಲ ಮೆಲ್ಲನೆ ಬಂದನೆ ||

ಮೆಲ್ಲ ಮೆಲ್ಲನೆ ಬಂದು, ಗಲ್ಲಕ್ಕೆ ಮುತ್ತ ಕೊಟ್ಟು

ನಿಲ್ಲದೆ ಓದಿ ಪೋದ ಕಳ್ಳಗೆ ಬುದ್ಧಿ ಪೇಳೆ ||ಪ||

ಹಾಲು ಮಾರಲು ಪೋದರೆ, 

ನಿನ್ನಯ ಕಂದ, ಕಾಲಿಗಡ್ಡವ ಕಟ್ಟಿದ |

ಹಾಲ ಸುಂಕವ ಕೇಳಿ ಕೋಲನ್ನೆ ಅಡ್ಡಕಟ್ಟಿ

ಶಾಲೆಯ ಸೆಳಕೊಂಡು ಹೇಳದೋಡಿದ ಕೃಷ್ಣ ||ಮೆಲ್ಲ||

ಮೊಸರ ಮಾರಲು ಪೋದರೆ, 

ನಿನ್ನಯ ಕಂದ ಹೆಸರೇನೆಂದು ಕೇಳಿದ |

ಹಸನಾದ ಹೆಣ್ಣ ಮೇಲೆ ಕುಸುಮವ ತಂದಿಕ್ಕಿ

ಶಶಿಮುಖಿಯರಿಗೆಲ್ಲ ಬಸಿರು ಮಾಡಿದ ಕೃಷ್ಣ ||ಮೆಲ್ಲ||

ಹೋಗಿರೆ ರಂಗಯ್ಯನ, 

ಮೇಲೆ  ನೀವು ದೂರೇನು ಕೊಂಡು ಬಂದಿರೆ |

ಯೋಗೀಶ ಪುರಂದರ ವಿಠಲ ರಾಯನ

ತೂಗಿ ಪಾಡಿರೆ ಬೇಗ ನಾಗವೇಣಿಯರೆಲ್ಲ ||ಮೆಲ್ಲ||